”Rempahkan Bumi, Pulihkan Dunia”

HIKAYAT RANTO – Kisah Perantauan Masyarakat Pidie ke Pantai barat-selatan Aceh Tempo Dulu

HIKAYAT RANTO

Karya :  Leube Isa alias Leube Bambi, Pidie,(Aceh)

Aslinya dalam huruf Arab Jawi/Jawoe

#Alih aksara dari huruf Latin ejaan Belanda ke Latin EYD

Oleh : T.A. Sakti

Pengantar Singkat:

Perantauan orang Pidie dan Aceh Besar ke barat-selatan Aceh tempo dulu terekam dalam Hikayat Ranto dan “situs” Kota Blang Pidie di sana. Kemudian, setelah barat-selatan Aceh padat penduduk, perantauan orang Pidie dan Aceh Utara beralih ke Aceh Timur dengan istilah populer “Jak u Timu”(merantau ke timur). Sejauh yang saya pahami belum dijumpai Hikayat Aceh mengenai kisah ini. Tapi terekam dalam disertasi Dr. Muhammad Gade Ismail: “Seuneubok Lada, Uleebalang dan Kompeni”.

( Hikayat Ranto, sengaja saya posting  Senin, 25 Ramadhan 1441  H/ 18 Mei  2020  hari ini, dalam rangka memperingati  36  tahun musibah lalulintas yang saya alami pada  Sabtu, 25 Ramadhan 1405 H/15 Juni 1985 M  di sekitar Kalasan, lebih kurang 8 km sebelah timur kota Yogyakarta. 

Saat itu, saya serta  konvoi mahasiswa Universitas Gadjah Mada, Yogyakarta  dalam perjalanan pulang terakhir, setelah menyelesaikan tugas Kuliah Kerja Nyata (KKN-UGM) di kabupaten Boyolali, Jawa Tengah.

 Saya, T.Abdullah Sulaiman serta beberapa teman ditempatkan di desa Guli, kecamatan Nogosari. Begitulah,…sekejab setelah melintasi Candi Prambanan pada siang yang panas dan mulai musim “mudik Lebaran”, serta  dalam suana ‘puasa tua’ sekitar pukul 13.11 WIB , sepeda motor HONDA saya yang dikemudikan Joko Supriyanto ditabrak mobil colt barang/tivi.  Alhamdulillah, hingga saat ini saya beserta keluarga dalam keadaan sehat-sejahtera. Semoga Rahmat Alllah senantiasa menyertai saya sekeluarga dan para pembaca Wa yang budiman semuanya!. Aamiinn!!!.

 HIKAYAT RANTO, mengisahkan kehidupan anak manusia lebih seabad lalu yang umumnya dari wilayah Pidie , yang mengadu untung dengan merantau ke belahan Barat-Selatan wilayah Aceh sekarang.  Hikayat ini menjelaskan, bahwa upaya memperbaiki nasib di rantau tidaklah semulus yang diharapkan. Bahkan lebih banyak  gagal dibanding yang berjaya.Namun, para perantau dari Pidie terus mengalir bagaikan air.

 Hikayat Ranto menjelaskan, bahwa pemicu merantau itu disebabkan  rasa malu hidup miskin, yang selalu dilecehkan isteri dan sindiran mertua.

 Pemuatan Hikayat Ranto  dalam Wa ini  saya terasa tepat, mengingat musibah yang saya alami juga terjadi  ketika saya sedang “menjaring nasib” di perantauan Yogyakarta. T.A. Sakti)

Bismilahirrahmanirrahim

Nyoekeu Isim lon boeh sinoe

Subhanallah walhamdulillah,Tuhan nyang sah qadim sidroe

Meuha suci deungon puji,Tuhanku Rabbi wajeb sidroe

Suci ngon pujoe sabet bak Tuhan, Laen nibak nyan geuceula dumnoe

Tuhan geutanyoe amat tinggi, Laen ’abeudi hamba barangsoe

Baranggari dum meukhluek, Nyang sabe duek lam donya nyoe

Kaya gasien hamba Tuhan, Seukalian alam dum barangsoe

Meuseuki ulat nyang lam batee, Bahle meusilee leumah cit droe

Meuhat raseuki dum bak Allah, Leungo lon peugah wahe adoe

Seupeurti ban fireuman Tuhan, Dalam Qur’an takalon keudroe

Wama mindabbatin fil ardhi, Illa ’alallahi rizquha

Makna meuphom dum bak sahbat, sit bingong that ulon sidroe

Sabab rindu deungon deundam, Nyoe lon karang peu-ubat ate droe

Digob geukarang deungon awe, Ladom geurante deungon taloe

Dilon lon karang dalam  ate, Lon rawe-rawe lam dada droe

Loncok daweuet deungon keureutah, Teuma lon kisah keu pi-e droe

Supaya jeuet keu ibarat, Jeuet seulamat dua nanggroe

Geutanyoe at udeb dalam donya, Dua peukara hantom sunyoe

Saboh bagoe tuntut ileumee, Mita guree nyang peuhareutoe

Dua bagoe mita hareukat, Tapileh pat laba rugoe

Meung bek Teungku jalan salah, Banci Allah keu geutanyoe

Lon peuingat dum syeedara, Tuha muda aduen adoe

Leumah akai ubak hate, Ji tamongle lam dada droe

Taleungo nyoe lon peuhaba, Agam dara aduen adoe

Bekkeu dawok ta meututo, Ingat hai po dum geutanyoe

Meuseuki uroe meuseuki malam, Ingat keu untong akhe dudoe

Aduen adoe tuha muda, agam dara dum sinaroe

Dara agam kaya gasien, seumayang teelan dum bek sunyoe

‘Ohtroih umuteu siploh thon, wajeb ta seuon nyang limong peue

Cahdat seumayangpuasa jakeuet, haji teuma jeuet geunap limong peue

Jakalee han ek tajak u Makah, taseumah nang eumbah geunab uroe

Tameuseulaweuet tabri seudeukah, nyanpi roe sah ampon deesya droe

Apui Nuraka jimeusumpah, deumi Allah han jipeutoe

Suloih nyang akhe beutabeudoih, di awai suboh lam jaga droe

Pinto langet tujoh lapeh, yohnyan habeh dum teubuka keudroe

Tameulakee ubak Tuhan, neutulak han baranggapeue

Di lon teelan kupeuingat, lon nyoe sisat malam uroe

Tameulakee bak sunggoh ate, ie mata ile sajan meutaloe

Taleueng  jaroe tangah u langet, Araih taniet rab geutanyoe

Kaureuna Araih rahmat sinan, peureuman Tuhan taleungo jeunoe

Jadonllahi foeka oidihem, ingat dalem makna jeunoe

Poteu peutroih peue nyang hajat,nyang meukeusud  wahe adoe

Sipeureuti ban peuruman Allah, bek  taubah harab geutanyoe

Ud’uni astajib lakom, Tuhan neukheun keu geutanyoe

Meung jimeuhon hamba bak kee, peue jilakee kubri jeunoe

Peuruman Tuhan hana khali, hadih nabi sajan meutaloe

Man talaba syai’an jadda wajada,, makna ji teuma tapeuharetoe

Meung na jituntut sunggoeh ate, meuhat geubri beksyok  geutanjoe

Haba lon nyoe sang aziumat, le that mupeu’at soe tem pakoe

Amabakadu dudoe nibaknjan, njoe kurangan phon kumula

Kurangan keu ureung lakoe, bungka di nanggroe  tuha muda

Tinggai  nanggroe deungon Ma wang,  jak lam utan dum cut raya

Tuhan  peujeuet nanggroe rantoe, sinankeu laloe manusia

Aceh Pidie tunong baroh, le that gadoh dalam  rimba

Peuebu sabab nyan jeut meunan, leungo teelan  lon  calitra

Sabab jipateh iblih syaitan, siribee ban jipeudoda

Jigusuek di ulee jisaih di glunjueng , teuma di tamong u lam dada

Limong peukara jeut jiyue dilee, leungo sampee lon calitra

Phon-phon jiyeu meu’adoe-angkat, ke dua mumadat he syeedara

Keulhee jiyue tameu Judi, teuma pancuri akhe dudoe

Kupeuet jiyeu tameusabong, that meu untong jalan gata

Limong jiyeu tameurebot, ngon  nyan toek  limong peukara

Taleungo nyoe wahe adoe ,seksa dudoe  lam neraka

Teuduek ohnan saboh pangkat, jeunoe lon sambat laen haba

Nanggroe ranto na tatuban, keusukaran dum peukara

Watee saket aloh-alah, apoh-apah hanteu kira

Tabalek wie tabalek uneun, sapeue pih tan na tarasa

Lon boh jeunoe saboh ca- e, na tatukre he syeedara

Boh pisang mas masak di lubang

Makanan cicem si barau-barau

Meutuah tuboh meuteumei riwang

Jakalee malang mate di rantau

Beuneung raja di dalam paya

Limpah cahaya langet bumoe

Ku eh han teungeut kubleut han jaga

Pajan masa kuteumei woe

Adak na sayeub kuteureubang, yeum beureujang troh u naggroe

Tinggai sidroe baranggajan, rakanpi han jitem peutoe

Apuipi  tan  jujeepih han, kutika yan dawok tamoe

Adak na pade dalam keupok ,hana soe tumbok pakri jinoe

Takeumeung yue gob hana sidroe, toh pakri proe tapeulagee

Yohnyan teuingat nyan keu Ma wang, teuingat yohnyan keu istri droe

Adak  han kujak masa dilee, na soe peulagee  jan   mumeunoe

Amabakdu bacut lon seubut, bek that lupot ureueng binoe

Na taleungo putroe mutual, hankeu leupah bungka judo droe

Allah Allah Nyak  sambinoe, keu lakoe bek paleng muka

Adak na  taeu dalam uteuen, taseumpom teupeuen taro ie mata

Adak proe teungoh tapuminyoe, taeh tamoe dalam tika

Nyan dum saket dengom mangat , nanggroe barat he syeedara

Lon peurasa  sit ka dilee, sipu malee lon peuhaba

Adak tan tajak nyan u barat , dalam surat  taeu nyata

Beuthat taweuh keu ureng lakoe, he ureueng binoe tuha muda

Aduen adoe rakan sahbat, beutaingat  cut  ngon raya

Keu  ureueng lakoe beuthat tahiro, ingat he po si umu donya

Beutapikee maseng keudroe, leupaih lakoe dalam rimba

Uroe malam hana teungeut, lam teuingat po keu gata

Lah bak pihak tan peue puwoe, ate teugoe-goe nyan keu gata

Masa tajak  jok saboh kruboih, ngon peunajoh linto bungka

Untong-untong ngon tajak intat, bungka u barat gampong gata

Laen nikak nyan pi teuingat , ranup lipat ban sikada

Padum teelan ngon bu kulah, masa meulangkah u kuala

Tajak Polem beuseulamat, beutaingat Poma ka tuha

Mata  ka seupot geulinyoeng ka tuloe, beurijang tawoe tajak tanom Ma

Untong di nanggroe sapeue pakat,  oh troih u barat laen kira

Meunan jikheun yoh dinannggroe ,oh troih u ranto pungo gila

Meukeude pi tan lampoih pi han, pat na glanggang jijak mita

Meunan-meunan gadoh nanggroe,pike adoe tuha muda

Jitinggai  aneuk deungon nang eumbah, masa jikeubah han jikira

Ladom galak bak Meukeude, ladom po Leube pula lada

Bitpi galak bak meukeude, le nyang leube pajoh riba

Meukat apiun ngon gala ran, laba teelan Baraga na

Gala lam jaroe laba jilakee, nyankeu sampee jeuet keuriba

Apiun jiplah ngon timangan, nyanpi tuwan deesya raya

Nyang meukeude le nyang hareuem, sisat bandum sagai donya

Meukat apiun ngon galaran,keu lhee teelan reuyeue meulaba

Meunan nyang le nanggroe ranto, meuseuki he po malemji na

‘Ohtroih u ranto tan Seumayang tuwo keu Tuhan dum teurata

Masa disagree jiseumayang, jeunoe jibuang han jikira

Hana hiro keu ibadat, bandum sisat leube nyang na

Nyang that leubeh tahareukat, wahe sahbat LAMPOIH LADA

Adak na reuyeue bek tasambat, beuteutakot nyankeu deesya

Laen nibak nyan po damage siwa adoe tanoh paya

Lompi soe bloe LADA lam bak, hareuem mutual teungku raja

Adak tabloe teungoh meubungong, han peue tanyong nyanpi riba

Dilon Teungku kupeuingat, lonpi sisat leubeh bak gata

Dumna nanggroe le nyang meunan, bukon teelan lon peurbula

Malem-malem nyang meukeude, glanggang rame jibri beulanja

Jibri pangkaikeu ureueng meutajoe, bukon adoe pungo gila

Meuseuki malem jeuet beuet ‘Arab, rugoe kitab Seumayang hana

Jareung-jareung na seumayang, buleung limong he syeedara

Tabri manok keu ureung meutajoe, bukon rugoe amai gata

Tajok peudeung keu ureung meureubot, wajeb meuhat  deesya gata

Taplah apiun ngon timpangan, nyanpi teelan sama juga

Samaih digob digata  sikatoe, bukoen rugoe sia-sia

Meuih ngon pirak ureueng binoe, lam donya nyoe lesoe hawa

Tuntut donya ureueng sisat, bek  he sahbat galak  gata

Peureuman Tuhan hana khali, hadih nabi hana reuda

Addunnya  djifaton watalibuha kilabon, makna muphom ubak gata

Jinoe makna teungku tapham, di lon bingong ate buta

Kaureuna sabab eleumee kureueng, lom ngon budueng  akai hana

Donya  that khieng nibak bangke, ureueng nyan tuntut anjeng nama

Maken tatuntut maken meureulop, maken taturot maken jiba

Padum-padum ureung tuntut, ban meukeusud jih han ek  na

Patah gakI  puntoeng  jaroe, han jitem troe  nafsu hawa

Meunan nyang le iblih tipee, hana jithee tuha muda

Miseue  sidom eu meulisan, nyuem jipeureulan ngon peudana

Pruetpi han troe jihpi mate, meutindeh bangke ban sineuna

Saboh nafsu ban bubayang, meuse tadong teungoh luha

Maken tapeucrok maken diplueng, meuse ie kreung u kuala

Meung han get niet bak hareukat, ingat sahbat sisat gata

Meuseuki  teelan bak meununtut, meung bek po cut deungon riya

Aduen adoe rakan sahbat, beutaingat dum syeedara

Tahareukat bak meusampe, bek keu tabri ceuma leuta

Adak mate bunda ngon ayah, tabri seudeukah jeuet keu pahla

Meunghan meunan wahe adoe, khanuri rugoe sia-sia

Teugoe takalon na khanuri, sang kasahle keu ayahnda

Gatapi mate hareukat payah, page balaih dudoe Nuraka

Meung han get niet bak hareukat, ingat sahbat dudoe teuka

Malingkan Mawot jak tueng nyawong, nyang phon keunong teuka cuba

Hingga datang ‘an kiyamat, cit lam ‘azeueb he syeedara

Di Aceh kon troih u ranto, meunan he po tan meutuka

Meunan teelan bandum nanggroe, troih ‘an jinoe reuyeue meulaba

Meung na areuta get peukayan, wareh rakan that mulia

Meungtan areuta lagi gasien, keuhinaan bak syeedara

Adak istri teungoh baleh, maken leubeh hina keu gala

Bak tuan tha han peue peugah, breueh nyang mirah nyan di mita

Boh seulimeng  ngon eungkot brok, nyan keuh jijok po keu gata

Campli cina eumpeuen beurijuek, nyan dipuduek unab gata

Teuduek haba nyan ohnan dilee, jeunoe sampee laen calitra

Amabakdu dudoe nibak nyan, muwoe kurangan bak  ayah bunda

Masa jijak  roe sit kutham, jipateh han aneuk boh ate

Roe kupaban aneuk ku saboh, kuniet ka gadoh dalam luweuek  gle

Meunan di Poma keu geutanyoe, dawok neumoe meu’eh tanle

Meung ka teu’ngat neuseubut Allah,ie mata limpah sajan ile

Ie mata srot seun-seun siploh, basah tuboh neusampohle

Beutaingat aduen adoe, bekkeu laloe dumteu sare

Aneuk cut raya nyan di Aceh, meung jipreh-preh tokteu hanle

Adak di Nang eumbah han peue peugah, sit lam gundah gata tanle

Nyampang-nyampang neupajoh mangat, yohnyan teuingat ie mata ile

Adak  na gaseh deungon sayang,  dumteu tuan bek laloele

Laen nibak nyan leungo lon peugah, leungo beusah dumteu sare

Nang eumbahteu syik po di nanggroe  meung neupreh woe gata boh ate

Adak na aneuk hanpeue  peugah,  jiteuoh ayah peutang page

Wahe Mapo Ma mutuah , hoka ayah ku eu tanle

Ban po Maji leungo saura meunan, han muban-ban ie mata ile

Wah aneuk po aneuk mutuah,  hanale ayah ka leupah u gle

Treb ka leupah aneuk u barat,  hana geu’ngat keu gata boh ate

Rumoh tireh han soe peudab, ayah gata that buta ate

Aleue patah bubong teuhah, paleh ayah aneuk boh ate

Umong diblang hansoe meugoe, bahle deuek-troe gata boh ate

Geudong dinanggroe badan payah,meutamah sosah dalam ate

Ranub pineueng gapu bakong, seunawak pinggang breueh ngon pade

Peunajoh  mangat aneuk di barat, geuduek teutap gata tanle

Meunankeu narit ureueng binoe, keu geutanyoe dumteu sare

Adak na jitakot keu Poteu Allah, hana ubah nibak ate

Tinggaikeu aneuk po di nanggroe, ruya-ruyoe han sapeuele

Nyampang-nyampang gob woe di peukan, ta eu teudong-dong weuehkeu ate

Teuma geubri eungkot saboh, puwoe po jroh tapajohle

Maji kalon eungkot bak jaroe, meutaloe-taloe ie mata ile

Jibeudoih duek jiseubut Allah, ie mata limpah bak dadale

Nyandum peukateun  di ureueng binoe, di ureueng lakoe buta ate

Jan Uroe Raya ngon Makmeugang, teuduek-teudong nyan di pante

Duek reunyeun jeh duek reunyeun nyoe, Poma jimoe rusak ate

Teuma geubri sie na bacut, puwoe nyak cut  u rumohle

Poma ji eu sie bak jaroe, neu leumpaih droe tumbok ate

Bu oek di ulee meugeureubang, teuoh keu untong beureujang mate

Sabab ji ingat nyang ka leupaih, hana gundah tinggai boh ate

Bukon that som agam mutuah, aneuk jikeubah bahle mate

Adak na Wali nyan di nanggroe, ‘asa uroe baro jiteuka

Jijak euntat sie sigupang , jiboh sajan U sitangke

Hana sapeue laen nibak nyan, ji tijik pisang saboh sisi

Bitpi dumnan bungong jaroe, seuluweue keu adoe saboh jibri

Masa nyan Poma ate ji bicah, teuingat keu ayah aneuk boh ate

Na meubunyoe gob peuhaba, rab geubungka teungoh ili

Teutapi bungka kon geuriwang,mita glanggang pat na rame

Beurayek meu’ah Teungku Ampon, untong lon sibagoe lagi

Uroe Raya peukayan tan, keutiwasan aneuk boh ate

Di aneuk gob ija peudandang,kasab meujuhang seuluweue meucangge

Di aneuk kee bek ‘an  mirah, meung ija puteh han ek kubri

Sare beungoh lheueh jimanoe, teuma jiwoe bak bundale

‘Oh sajan troih nyan u rumoh, lakee meu’ah deesya page

Jicom di teuot seumah di gakI, teuma ie mata sajan ile

Allah Allah aneuk mutuah, kupaban bah jantong ate

Bukon paleh ureueng di barat,han ji ingat u nanggroele

Baranggasoe mei geuteuoh, isib gadoh beuhanyot bangke

Aneuk prumoh han ji ingat, meu’adoe angkat meuse kaphe

Nyankeu ureueng paleh sabe, seurapa Nabi dudoe page

Meunan teelan bandum nanggroe, di lon adoe  rasa sabe

Habeh haba di ureueng lakoe, ureueng binoe jinoe takira

Sabab leupah lakoe u barat, ureueng binoe that jithok ate

Paleng mukaji keu lakoe, nyang jeuet jiboih droe peuturot ate

AMABAKDU dudoe nibak nyan, taleungo teelan tuha muda

Peuebu sabab leupaih lakoe, wahe teungku droe peudeh pinta

Haba pansie geunab uroe, ureueng lakoe tan beulanja

Ija mirah gleueng di gakI, meung han tabri hina gata

Euncien peurmata po bak jaroe, laen adoe ulee ceumara

Bahle meunan keu jih tap woe, di geutanyoe bahle ta bungka

Tinggaikeu jih po di nanggroe, geunap uroe peuseutet hawa

Adak na eumbah han ji larang, han ek jitham aneuk dara

Ureueng binoe malee hanle, keureuna akhe umu donya

Nyankeu sabab han that jiwoe, keureuna bunyoe keuji nama

Jitem gaseh keu ureueng laen, hana disyen keu Judsonia

Ureueng binoe la’eh iman, keu lakoe han cintaguna

Meung that lut’ok jheuet peukayan, jayeh teelan ji eu rupa

Keureuna sabab luring bak Nang, keu lakoe han jitem kira

Adak gasien hanpeue peugah, maken leubeh lom me Uganda

Na taleungo po nyak sambinoe, taleungokeu nyoe po jroh rupa

Hana paidah rupa sambinoe, meung tan lakoe keupeue guna

Tamse ija plang tatroih lam peutoe, meung tan tangui keupeue guna

Ijapi tuha gatapi  syik, puteh ngon  oek di keupala

Teulhoh ngon gigoe keundo ngon kulet, gata raleb peuseutet hawa

Meung that tasyhen keu ureueng lakoe,  han diboih droe dalam rimba

Uroe malam hana teungeut, lam ji ingat po keu gata

Adak kon seubab teugrak ate, nyeum-nyeum bekcre po ngon gata

Keureuna haba pansie dilee, bahle sampoe u lam rimba

Peue jeuet kudong nyan di gampong, ate ku tutong keureuna gata

Meung tan tapuwoe gleueng u rumoh, reuyoh po jroh sajan po da

Neupura dhot neugeurantang, aneuk jalang kuteumeung tampa

Ngon haba neutulak ngon jaroe neutarek, bahle bek ka ek bak agam ceulaka

Gleueng han jibri euncien han jibloe, bah ji eh sidroe po buya seuba

Tinggai linto dalam juree, panyot reudee minyeuk hana

Han ek  jiduek teuma di eh, oh ka mureh woe gampong Ma

Meunan-meunan geunap uroe, hana padoe ate luka

Umu sithon han peue daleh, hingga jadeh po tabungka

Hana sapeue po tateuoh, guna nyang jroh tan nibak tha

Maken leubeh bak isteri, that  ji banci nyan keu gata

Nyang na gaseh nibak Nang eumbah, cit ta peugah dum peukara

Na tadeungo Ma meutuah, jinoe lon peugah ubak gata

Tabri judo han meusampe, that jibanci nibak nyang ka

Ureueng binoe nyang that banci, damikian lagi bak tuantha

Peue bu sabab Ma Teungku droe, kureueng lon puwoe mit beulanja

Talakee do’a Poma meutuwah, jeunoe leupaih ulon bungka

Ban neu leungo haba meunan, han muban-ban tro ie mat

Keureuna sabab tan peue neubri, Adak han bekcre bijeh mata

Jinoe lon boeh saboh ca-e, brutalize adoe raja

Siwaihhalang teureubang keu Daya

Teureubang di awan mirahpati

Jakalu alang pada beulanja

Beutapa hamba diam di nanggri

Kuceng utan teulari-lari

Kuceng nanggri diam teumpatnya

Jakalu tidak amaih di jari

Diam di nanggri apa gunanya

Ulon boeh nyoe kon beurakah, adoe meutuwah nyo sibeuna

Meung tan areuta dalam jaroe, tadong di nanggroe that seungsara

Habeh haba peuingatan, bungka yohnyan bijeh mata

Masa tatron Poma neumoe,meuteutaloe tro ie mata

Teuduek di reunyeuen neu ek u rumoh, akai gadoh pungo gila

Neujak lam jurong neungieng u blang, neujak pandang aneuk bungka

Hingga jeuoh ka meusilee, moe meuree-ree woe u tangga

Yohnyan neumoe bukon bubarang, Poma sayang keu aneuknda

Tinggai Poma nyan di nanggroe, dawok neumoe tro ie mata

Neu eh han teungeut badan kuroih, bu neu pajoh na ban suda

Nyang dum di Nang eumbah keu geutanyoe, ingat adoe jeueb kutika

Adak na tapeugah bak isteuri, galak that jibri po tabbing

Han jipura meung theun langkah, bahle leupaih si geukoh pha

Pura-pura moe dara beudeubah, jicok ie babah boeh bak mata

Bak tuwan tha han cit jisyen, Adak ureueng laen maken meuganda

Bahle jijak bek that gundah, bah kupasah bijeh mata

Ku peukawen laen aneuk dikah, bahle leupaih po buya seuba

Nyandum jigaseh keu geutanyoe, ureueng binoe muda-muda

Teuma dijih hana gundah, jimumukah dara cilaka

Keu lakoe droe hana disyen, keu ureueng laen that jihawa

Sabab kaya get peukayan, ngon sabab nyan le binasa

Dum-dum gampong barangri nanggroe, ureueng binoe muda-muda

Taleungokeu nyoe he ureueng binoe, meuse bunoe cit digata

Keu ureueng lakoe beuthat tamalee, bek soh juree wahe ureueng muda

Adak rupa jrohpi that rugoe, leupaih lakoe Da ’an tuha

Puteh ngon oek nyan di ulee, hantom meung bee na tarasa

Na taleungo po sambinoe jroh, hankeu gadoh judo gata

Bek that galak keu ija mirah, lakoe leupaih tinggai gata

Bek that galak keu gluing gaki lakoe mate dalam rimba

Bek that keu gluing jaroe, leupaih lakoe adoe raja

Meung that galak tasok euncien, at eh meukuwien sidroe lam tika

Bek that galak keu mangat bee, sohkeu juree judo hana

Tangui bee mangat dilikot lakoe, nyanpi adoepeunyaket raya

Than neu balaihteuma page, meuse bee bangke tuboeh gata

Na taleungo po Da sambinoe, kupeurunoe  nyan di gata

Bek tapateh pansie Nang eumbah,lakoe leupaih meureuraba

Meung ka mate lakoe di ranto, balee he po tinggai gata

Kutika nyan tamoe sangat, troih alamat u rumoh tangga

Teuka wareh asoe gampong, geujak kunjong rumoh gata

Ureueng jamei peunoh rumoh, sit geuteuoh budhoe gata

Get peurangui ngon mubudhoe, ditulak lakoe dalam rimba

Sabab jibeungeh uleh  isteri, meunan lagi bak tuan tha

Laen nibak nyan asoe nanggroe, teuoh budhoe cintaguna

Bahkeu lon boh bangon ba- e, taleungo sye suara Madja

Narit timplak keu dara baro, sabab mate judo dalam rimba

Wahe putroe cut bukon sayang, tamse pisang mate pucok

Keubeue lam weue  mate di blang, bukon sayang teuhah neurok

Sayangku  han ban putore bangsawan, tamse kayee jisom tarok

Ku eu diluwa  ban boh peudeundang, sayang di dalam asoe jibrok   

Sayang mate teungku diranto, han soe hiro di dalam rimba

Kupaban bah he teungku linto, banci darabaro nyan keu gata

Kukira mate dalam juree, na soe mueng ulee judoteu na

Bahkeu dumnan haba ba- e, laen pi le han ek kira

Dudoe nibak nyan geukhannuri, peujamee pakhi lakee du’a

Laen nibak nyan geubi seudeukah, peue nyang mudah ban nyang kada

Geunabkeu umu peuet ploh uroe, han le teugoe-goe dum syeedara

Nyang na ingat po nibak Nang, pijuet badan rok-rok masa

Kadang-kadang troh bak meuthon, han tom neutron di rumoh tangga

Nyampang mate asoe gampong, han tom neutron seb dum nyang ka

Badan pijuet asoe rigeh, lam tika eh beudoh hana

Nyandum di Nangmbah keu geutanyoe, ingat adoe cut ngon raya

Di isteuri dijih tan meusyen,  jipreh troh laen seulangke teuka

Dilakee du ‘a malam uroe, tabri lakoeku nyang kaya

Yoh nyan dingui ngon peukayan,  si uroe saban jingui ija

Mangat ate dara cangklak, ta eu jijak ban keudidi paya

Di unun na incien gilek, digitek incien peumata

Taeukeu oek teusiruek lalat, ija jisawak meukab bak dada

Taeu jilanggang ngon jialeh, geutiek  ji meungkleh sapai ji dua

Taeu baja  itam di bibi, na beureuhi agam nyang na

Taeu keu gaca itam di jaroe, na teuka lakoe guda lawa

Ta eu oek jom nyan di ulee, meunan lagee tuha muda

Pat na agam duek meutamon,  jikeureuleng ngon iku mata

Sara jijak jiboeh beurakah, that bedeu’ah dara jroh rupa

Wahe Ma The wahe kumuen, ban nyang lon kheun sabet beuna

Ta eu jingui ija haloih, bit that utoih aneuk dara

Taeu keu andam nyan dibak dhoe, meuse na lakoe dara jroh rupa

Hana jiingat lakoe tanle, cit ban mate nyan baroesa

Bahkeu dumnan dihaba nyan,jeunoe laen bacut haba

Bak taingat po keu Nangmbah, sabab payah neu peulara

Uroe malam hana neu eh, mataneu peudeh neumeujaga

Ni phon cut kon po la Ma syhen, neu peukawen ’oh jan raya

Na nyum bek cre meung sitapak, nyuum bek jarak sit di mata

Peuet blet keureujaan po bak Nangmbah, leungo lon peugah teungku raja

Peutama phon-phon yohteu budak,  yohnyan galak ayah ngon bunda

Keudua keureujaan geupeusunat, nyanpi sahbat ban nyang kada

Keulhee keureujaan geupeukawen, geubri salen bak ayahnda

Masa nyan meusapat wali ngon karong, yoh masa nyan keureuja raya

Bladeh-blanoe geumeugrum-grak, sabe galak meuseusuka

Peuet blet keureujaan tok hat mate, hanlon boehle seb dum nyangka

Bahkeu dumnan jeunoe lon seubut, laen bacut lon calitra

Kata nyakni ureueng keumarang, leungo teelan lon kheun jeunoe

Kata dalang empunya rawi, taleungo kri lon calitra

AMABAKDU bacut lon seubut, bak awai surat ulon peuwoe

Hana ajayeb diphon surat, jeunoe sahbat ulon gantoe

Di awai phon lheueh Bismillah, subhanallah lafai ngon pujoe

Meudehpi sah meunoepi mei, nyang teur-afdlai dilee pujoe

Keureuna khoteubah bak hikayat ban nyang mangat di ate droe

Dilee ajayeb dudoe subeuhannyoe kurangan ka sublease

Ladom geukarang deungon awe, nyang le geurante deungon taloe

Di lon lon karang dalam ate, kusawe-sawe bak akai droe

Bahkeu lon boeh saboh ca-e, beutapike wahe adoe :

Pisang talon masak di teupin

Pisang abin di bineh sungoe

Jakalee geupeh deungon santan

Na nyum na nyum ek tamakeun troe

Adak na lom ngon meulisan

Han tatujan pruetteu seungkoe

Mameh meulisan leumak santan

Tapeulawan baranggapeue

Meuseuki tapeh taboeh keunan

Jan tamakeuen mangat han soe

Meunankeu tamse ureueng keumarang, meung han reumbang mit soe pakoe

Reumbang lagee keunong sanjak, jeuetkeu galak ureueng meurunoe

Lon boeh tamse saboh ca-e, brutalize wahe adoe :

Meung na di ate pade tatob

Tasiwa meuh gob bahle rugoe

Bak burunyong timoh di gunong

Hanyot bungong dalam sungoe

Akai paneuk bicara bingong

Pat han keunong peugetle adoe

Keureuna ulon bicara lipeh, bek takheun ceh keu lon sidroe

Buet mupeu’at tamesare, dudoe page pahla keudroe

Sipeureuti ban ban Hadih Nabi, wahe akhi leungokeu nyoe :

Atdalu ‘alan khairi kafa’ileh, makna silapeh lon kheun jeunoe

Tayue ureueng buet keubajikan, sirasa teelan tapubuet keudroe

Nyoe wasiet lon wahe sahbat, beutaingat bek that laloe

Kalimah nyang puntong haraih nyang singkat, beutapeuget wahe adoe

Beutagaseh ngon tasayang, bek jeuet malang akhe dudoe

Keureuna sangat that lon hajat, wahe sahbat bek tabri rugoe

Harab teewakai lon keu Tuhan, di likot nyan keu Nabi. geutanyoe

Di likot nyan ka gata teelan,meuseuki aduen meuseuki adoe

Bek binasa harap lon nyoe, page jameun tamumat jaroe

Talakee  du ‘a keu lon beuthat, bakTuhan  Hadlarat Po geutanyoe

Talakee keu lon du’ a benkhoeri, dudoe page keu lon sidroe

Sampona amat seulamat iman, keu lon tameuhon geunap uroe

Bahkeu ohnan di haba nyan,jeunoe laen lon peugah proe

Ureueng seumurat hana malem, bek takhem-khem gata barangsoe

Ampon meu ‘ah teungku pangulee, ateueh ulee lon beuot jaore

Lon peugah pat ureung seumurat, na meung tatupat  gampong nanggroe

Nanggroe Pidie Uleebalang Nam, dalam Mukim Panglima  Sagoe

Nama gampong Bambi Mon Tujoh, sinan teumpat malam uroe

Teuntang rumoh di bineh blang, rab he teelan Meunasah Sagoe

Dudoe nibak nyan teukeudi Tuhan, seutet peuteumuen laen nanggroe

Roh lam Mukim Uleebalang Dua Blaih, Raja Pakeh nyang po nanggroe

Nama gampong gaukheun Keulibeuet,  bak tanoh  Ceuet Kapaimeroe(?)

Teuntang rumoh di bineh krueng, Dayah Tutong   Meunasah Sagoe

Ureueng Aceh mubajee jubah,  jingui kupiah meuseunujoe

Nyang han leumah lon peuleumah, jeunoe lon peugah nan beumeusoe

Leube Isa nan untong cut, meunan geuseubut le ureueng nanggroe

Dudoe nibak nyan nama  teumpat, geubalek adat nama  nanggroe

Teuma geuhei Leube Bambi, nan geurasi akhe dudoe

Nyoe wasiet lon wahe teelan, dum sikeulian aduen adoe

Proe hai teupangge keu rahmatollah, nyoe lon keubah keu geunantoe

Assalamu’alaikom wahe teelan, jamak tuwan dum disinoe :

Geunantoe lon mat jaroe sahbat, lon icarat bak surat nyoe

Geunantoe tabri ranub sigapu, du’a he po keu lon sidroe

Keureuna tan ileumee ngon amai, saleh pakri hai akhe dudoe

Hina lon that wahe sahbat, di akhirat ngon donya nyoe

Hina bak donya wahe teelan, meueh pirak tan bak lon sidroe

Meueh pirak tan breueh pade han, meunan untong di lon sidroe

Wali ngon karong di ulon tan, adoe aduen jarak dumsoe

Nang eumbah teutab nibak teumpat, di lon teugeutit jeueb-jeueb nanggroe

Meunan untong neubrile Allah, kupaban bah di lon sidroe

Di gob untonggeu ban tiyong, lam keunurong geunab uroe

Di lon untongku ban payong, lam gob tudong padok uroe

Di gob untong ban timon bruek, keunan bak geuduek reuyeue peutoe

Di lon untong ban timong phan, bak jeueb-jeueb blang sinan sinoe

Lon jak keunoe lon jak keudeh, maken peudeh nibak bunoe

Allah Allah Ya Tuhanku, kulakee bantu bak gata sidroe

Tagaseh sayang bek alang-alang, wahe Tuhan keu lon sidroe

Di donya kon troih jan page, beumeusampe hambateu nyoe

Di Padang Masya bek tabri lambat, beureujang tahisab ulonteu nyoe

Tabri pantaih lon jak bak Titi, bak Hudh Nabi tabri lon peutoe

Tabri teumpat di lon Curuga, karonya gata Poku sidroe

Tabri kupandangteu Ya Rabbi, Dat nyang suci han sibagoe

Suci Dat suci Sifat, Pi-e meuhat meunan cit roe

Tabri meuteumeung ngon Nabi Muhammad, pangulee umat lam donya nyoe

Tabri meuteumeung deungon guree, nyang bri eleumei nyankeu kamoe

Tabri meuteumeung ngon Nang eumbah, ureueng peuleumah langet ngon bumoe

Tabri meuteumeung ngon iseutiri, aneuk lagi nyang di kamoe

Tabri meuteumeung deungon wareh,dum beuhabeh dum sinaroe

Tapeuampon deesya di lon, nibak meukhuluk dum barangsoe

Deesya di lon sikeulian, nyawong badan gaki jaroe

Tamat

Catatan  : Tamat saya salin dari huruf Latin ejaan Snouck Hurgronye/Belanda ke Ejaan Yang Disempurnakan ; pada malam Selasa, 25 Ramadhan 1430 H bersamaan

tanggal 14 September 2009 pukul 19.39 WIB beberapa saat setelah buka puasa. 

 Alhamdulillahi Rabbil ‘Alaminnn…!!!. Salinan/transliterasi ini bersumber buku  “TWO ACHEHNESE POEMS“ ,yang merupakan  kajian dan terjemahan G.W.J. DREWES, terbitan THE HAGUE – MARTINUS NIJHOFF – 1980.

 Pada kesempatan ini saya mohon izin  kepada penulis dan penerbit atas upaya transliterasi dan posting ke blog saya ini, semata-mata bagi pelestarian hikayat Aceh. Dapat saya tambahkan, bahwa dewasa ini tradisi “berhikayat“ di Aceh  dalam keadaan nyaris punah dalam kehidupan masyarakat Aceh sehari-hari!!!.

 Usaha alih aksara/ejaan Hikayat Ranto ini merupakan naskah ke 31 dari kegiatan transliterasi naskah-naskah sastra Aceh lama yang saya geluti sejak tahun 1992, yang menghasilkan hampir 7000 halaman ( hikayat, nadham dan tambeh) yang sudah berhuruf Latin, namun hanya secuil saja yang telah dapat diterbitkan.

 Semua itu saya lakukan dalam rangka  : cari-cari kegiatan atau hana buet mita buet/”upaya pelarian”  dari keadaan diri saya yang cedera akibat tabrakan mobil/colt barang tivi di Yogyakarta , yang ( hari ini) tepat  36  tahun lalu. ( T.A. Sakti )

 

 

( Salen phon Hikayat Ranto, Rabu, poh 6 seupot 5 Ramadhan 1430 H/26 Agustus 2009.  Ban-ban nyoe bersama 10 orang lainnya ulon teurimongng anugerah budaya “Tajul Alam” dari Pemerintah Aceh dalam rangka Pekan Kebudayaan Aceh Ke Lima (PKA V)  tgl.  10 Agustus 2009 di Anjong Mon Mata, Banda Aceh yang diserahkan Wagub Muhammad Nazar, S.Ag.

 

 

HIKAYAT RANTO

 

Karya :  Leube Isa alias Leube Bambi, Pidie,(Aceh)

 

Aslinya dalam huruf Arab Jawi/Jawoe

#Alih aksara dari huruf Latin ejaan Belanda ke Latin EYD

Oleh : T.A. Sakti

 

 

( Hikayat Ranto, sengaja saya posting  Selasa, 25 Ramadhan 1430 H/15 September 2009 hari ini, dalam rangka memperingati seperempat abad//25 tahun musibah lalulintas yang saya alami pada  Sabtu, 25 Ramadhan 1405 H/15 Juni 1985 M  di sekitar Kalasan, lebih kurang 8 km sebelah timur kota Yogyakarta. Saat itu, saya serta  konvoi mahasiswa Universitas Gadjah Mada, Yogyakarta  dalam perjalanan pulang terakhir, setelah menyelesaikan tugas Kuliah Kerja Nyata (KKN-UGM) di kabupaten Boyolali, Jawa Tengah. Saya, T.Abdullah Sulaiman serta beberapa teman ditempatkan di desa Guli, kecamatan Nogosari. Begitulah,…sekejab setelah melintasi Candi Prambanan pada siang yang panas dan mulai musim “mudik Lebaran”, serta  dalam suana ‘puasa tua’ sekitar pukul 13.11 WIB , sepeda motor HONDA saya yang dikemudikan Joko Supriyanto ditabrak mobil colt barang/tivi.

 

HIKAYAT RANTO, mengisahkan kehidupan anak manusia lebih seabad lalu yang umumnya dari wilayah Pidie , yang mengadu untung dengan merantau ke belahan Barat-Selatan wilayah Aceh sekarang.  Hikayat ini menjelaskan, bahwa upaya memperbaiki nasib di rantau tidaklah semulus yang diharapkan. Bahkan lebih banyak  gagal dibanding yang berjaya.Namun, para perantau dari Pidie terus mengalir bagaikan air. Hikayat Ranto ‘membisikkan”, bahwa pemicu merantau itu disebabkanrasa malu hidup miskin, yang selalu dilecehkan isteri dan sindiran mertua. Pemuatan Hikayat Ranto  dalam blog saya terasa tepat, mengingat musibah yang saya alami juga terjadi  ketika saya sedang “menjaring nasib” di perantauan Yogyakarta. T.A. Sakti)

 

 

Bismilahirrahmanirrahim

 

Nyoekeu Isim lon boeh sinoe

Subhanallah walhamdulillah,Tuhan nyang sah qadim sidroe

Meuha suci deungon puji,Tuhanku Rabbi wajeb sidroe

Suci ngon pujoe sabet bak Tuhan, Laen nibak nyan geuceula dumnoe

Tuhan geutanyoe amat tinggi, Laen ’abeudi hamba beurangsoe

 

Baranggari dum meukhluek, Nyang sabe duek lam donya nyoe

Kaya gasien hamba Tuhan, Seukalian alam dum barangsoe

Meuseuki ulat nyang lam batee, bahle meusilee leumah cit droe

Meuhat raseuki dum bak Allah, Leungo lon peugah wahe adoe

 

Seupeurti ban fireuman Tuhan, dalam Qur’an takalon keudroe

Wama mindabbatin fil ardhi, Illa ’alallahi rizquha

Makna meuphom dum bak sahbat, sit bingong that ulon sidroe

Sabab rindu deungon deundam, Nyoe lon karang peu-ubat ate droe

 

Digob geukarang deungon awe, Ladom geurante deungon taloe

Dilon lon karang dalam  ate, Lon rawe-rawe lam dada droe

Loncok daweuet deungon keureutah, Teuma lon kisah keu pi-e droe

Supaya jeuet keu ibarat, Jeuet seulamat dua nanggroe

 

Geutanyoe  udeb dalam donya, Dua peukara hantom sunyoe

Saboh bagoe tuntut ileumee, mita guree nyang peuhareutoe

Dua bagoe mita hareukat, Tapileh pat laba rugoe

Meung bek Teungku jalan salah, banci Allah keu geutanyoe

 

Lon peuingat dum syeedara, Tuha muda aduen adoe

Leumah akai ubak hate, Ji tamongle lam dada droe

Taleungo nyoe lon peuhaba, Agam dara aduen adoe

Bekkeu dawok ta meututo, Ingat hai po dum geutanyoe

 

Meuseuki uroe meuseuki malam, Ingat keu untong akhe dudoe

Aduen adoe tuha muda, agam dara dum sinaroe

Dara agam kaya gasien, seumayang teelan dum bek sunyoe

‘Ohtroih umuteu siploh thon, wajeb ta seuon nyang limong peue

 

Cahdat seumayang  puasa jakeuet, haji teuma jeuet geunap limong peue

Jakalee han ek tajak u Makah, taseumah nang eumbah geunab uroe

Tameuseulaweuet tabri seudeukah, nyanpi roe sah ampon deesya droe

Apui Nuraka jimeusumpah, dami Allah han jipeutoe

 

Suloih nyang akhe beutabeudoih, di awai suboh lam jaga droe

Pinto langet tujoh lapeh, yohnyan habeh dum teubuka keudroe

Tameulakee ubak Tuhan, neutulak han baranggapeue

Di lon teelan kupeuingat, lon nyoe sisat malam uroe

 

Tameulakee bak sunggoh ate, ie mata ile sajan meutaloe

Taleueng  jaroe tangah u langet, Araih taniet rab geutanyoe

Kaureuna Araih rahmat sinan, peureuman Tuhan taleungo jeunoe

Jadonllahi foeka oidihem, ingat dalem makna jeunoe

 

Poteu peutroih peue nyang hajat,nyang meukeusud  wahe adoe

Sipeureuti ban peuruman Allah, bek  taubah harab geutanyoe

Ud’uni astajib lakom, Tuhan neukheun keu geutanyoe

Meung jimeuhon hamba bak kee, peue jilakee kubri jeunoe

 

Peuruman Tuhan hana khali, hadih nabi sajan meutaloe

Man talaba syai’an jadda wajada,, makna ji teuma tapeuhareutoe

Meung na jituntut sunggoeh ate, meuhat geubri beksyok geutanyoe

Haba lon nyoe sang ajeumat, le that mupeu’at soe tem pakoe

 

 

 

Amabakadu dudoe nibaknjan, njoe kurangan phon kumula

Kurangan keu ureung lakoe, bungka di nanggroe  tuha muda

Tinggai  nanggroe deungon Ma wang,  jak lam utan dum cut raya

Tuhan  peujeuet nanggroe rantoe, sinankeu laloe manusia

 

Aceh Pidie tunong baroh, le that gadoh dalam  rimba

Peuebu sabab nyan jeut meunan, leungo teelan  lon  calitra

Sabab jipateh iblih syaitan, siribee ban jipeudoda

Jigusuek di ulee jisaih di glunyueng , teuma di tamong u lam dada

 

Limong peukara jeut jiyue dilee, leungo sampee lon calitra

Phon-phon jiyeu meu’adoe-angkat, ke dua mumadat he syeedara

Keulhee jiyue tameu Judi, teuma pancuri akhe dudoe

Kupeuet jiyeu tameusabong, that meuntong jalan gata

 

Limong jiyeu tameurebot, ngon  nyan toek  limong peukara

Taleungo nyoe wahe adoe ,seksa dudoe  lam nuraka

Teuduek ohnan saboh pangkat, jeunoe lon sambat laen haba

 

Nanggroe ranto na tatuban, keusukaran dum peukara

Watee saket aloh-alah, apoh-apah hanteu kira

Tabalek wie tabalek uneun, sapeue pih tan na tarasa

Lon boh jeunoe saboh ca- e, na tatukre he syeedara

 

Boh pisang mas masak di lubang

Makanan cicem si barau-barau

Meutuah tuboh meuteumei riwang

Jakalee malang mate di rantau

 

Beuneung raja di dalam paya

Limpah cahaya langet bumoe

Ku eh han teungeut kubleut han jaga

Pajan masa kuteumei woe

 

Adak na sayeub kuteureubang,  nyuem beureujang troh u nanggroe

Tinggai sidroe baranggajan, rakanpi han jitem peutoe

Apui  pi  tan  jujee pih han, kutika yan dawok tamoe

Adak na pade dalam keupok ,hana soe tumbok pakri jinoe

 

Takeumeung yue gob hana sidroe, toh pakri proe tapeulagee

Yohnyan teuingat nyan keu Ma wang, teuingat yohnyan keu istri droe

Adak  han kujak masa dilee, na soe peulagee  jan   mumeunoe

 

Amabakdu bacut lon seubut, bek that lupot ureueng binoe

Na taleungo putroe mutuah, hankeu leupah bungka judo droe

Allah Allah Nyak  sambinoe, keu lakoe bek paleng muka

Adak na  taeu dalam uteuen, taseumpom teupeuen taro ie mata

 

Adak proe teungoh tapuminyoe, taeh tamoe dalam tika

Nyan dum saket dengon  mangat , nanggroe barat he syeedara

Lon peurasa  sit ka dilee, sipu malee lon peuhaba

Adak tan tajak nyan u barat , dalam surat  taeu nyata

 

Beuthat taweuh keu ureung lakoe, he ureueng binoe tuha muda

Aduen adoe rakan sahbat, beutaingat  cut  ngon raya

Keu  ureueng lakoe beuthat tahiro, ingat he po si umu donya

Beutapikee maseng keudroe, leupaih lakoe dalam rimba

 

Uroe malam hana teungeut, lam teuingat po keu gata

Lah bak pihak tan peue puwoe, ate teugoe-goe nyan keu gata

Masa tajak  jok saboh keurubuih, ngon peunajoh linto bungka

Untong-untong ngon tajak intat, bungka u barat gampong gata

 

Laen nikak nyan pi teuingat , ranup lipat ban sikada

Padum teelan ngon bu kulah, masa meulangkah u kuala

Tajak Polem beuseulamat, beutaingat Poma ka tuha

Mata  ka seupot geulinyoeng ka tuloe, beurijang tawoe tajak tanom Ma

 

Untong di nanggroe sapeue pakat,  oh troih u barat laen kira

Meunan jikheun yoh dinannggroe ,oh troih u ranto pungo gila

Meukeude pi tan lampoihpi han, pat na glanggang jijak mita

Meunan-meunan gadoh nanggroe,pike adoe tuha muda

 

Jitinggai  aneuk deungon nang eumbah, masa jikeubah han jikira

Ladom galak bak Meukeude, ladom po Leube pula lada

Bitpi galak bak meukeude, le nyang leube pajoh riba

Meukat apiun ngon galaran, laba teelan barang jan na

 

Gala lam jaroe laba jilakee, nyankeu sampee jeuet keuriba

Apiun jiplah ngon timangan, nyanpi tuwan deesya raya

Nyang meukeude le nyang hareuem, sisat bandum sagai donya

Meukat apiun ngon galaran,keu lhee teelan reuyeue meulaba

 

Meunan nyang le nanggroe ranto, meuseuki he po malemji na

‘Ohtroih u ranto tan Seumayang tuwo keu Tuhan dum teurata

Masa disinoe  jiseumayang, jeunoe jibuang han jikira

Hana hiro keu ibadat, bandum sisat leube nyang na

 

Nyang that leubeh tahareukat, wahe sahbat LAMPOIH LADA

Adak na reuyeue bek tasambat, beuteutakot nyankeu deesya

Laen nibak nyan po tameugoe siwa adoe tanoh paya

Lompi soe bloe LADA lam bak, hareuem meuteulak teungku raja

 

Adak tabloe teungoh meubungong, han peue tanyong nyanpi riba

Dilon Teungku kupeuingat, lonpi sisat leubeh bak gata

Dumna nanggroe le nyang meunan, bukon teelan lon peurbula

Malem-malem nyang meukeude, glanggang rame jibri beulanja

 

Jibri pangkaikeu ureueng meutajoe, bukon adoe pungo gila

Meuseuki malem jeuet beuet ‘Arab, rugoe kitab Seumayang hana

Jareung-jareung na seumayang, buleung limong he syeedara

Tabri manok keu ureung meutajoe, bukon rugoe amai gata

 

Tajok peudeung keu ureung meureubot, wajeb meuhat  deesya gata

Taplah apiun ngon timpangan, nyanpi teelan sama juga

Samaih digob digata  sikatoe, bukoen rugoe sia-sia

Meueh ngon pirak ureueng binoe, lam donya nyoe lesoe hawa

 

Tuntut donya ureueng sisat, bek  he sahbat galak  gata

Peureuman Tuhan hana khali, hadih nabi hana reuda

Addunnya  djifaton watalibuha kilabon, makna muphom ubak gata

Jinoe makna teungku tapham, di lon bingong ate buta

 

Kaureuna sabab eleumee kureueng, lom ngon budueng  akai hana

Donya  that khieng nibak bangke, ureueng nyan tuntut anjeng nama

Maken tatuntut maken meureulob, maken taturot maken jiba

Padum-padum ureung tuntut, ban meukeusud jih han ek  na

 

Patah gaki  puntoeng  jaroe, han jitem troe  nafsu hawa

Meunan nyang le iblih tipee, hana jithee tuha muda

Miseue  sidom eu meulisan, nyuem jipeureulan ngon peudana

Pruetpi han troe jihpi mate, meutindeh bangke ban sineuna

 

Sabab   nafsu ban bubayang, meuse tadong teungoh luha

Maken tapeucrok maken diplueng, meuse ie kreung u kuala

Meung han get niet bak hareukat, ingat sahbat sisat gata

Meuseuki  teelan bak meununtut, meung bek po cut deungon riya

 

Aduen adoe rakan sahbat, beutaingat dum syeedara

Tahareukat bak meusampe, bek keu tabri ceuma leuta

Adak mate bunda ngon ayah, tabri seudeukah jeuet keu pahla

Meunghan meunan wahe adoe, khanuri rugoe sia-sia

 

Teugoe takalon na khanuri, sang kasahle keu ayahnda

Gatapi mate hareukat payah, page balaih dudoe Nuraka

Meung han get niet bak hareukat, ingat sahbat dudoe teuka

Malaikat  Mawot jak tueng nyawong, nyang phon keunong teuka cuba

 

Hingga datang ‘an kiyamat, cit lam ‘azeueb he syeedara

Di Aceh kon troih u ranto, meunan he po tan meutuka

Meunan teelan bandum nanggroe, troih ‘an jinoe reuyeue meulaba

Meung na areuta get peukayan, wareh rakan that mulia

 

Meungtan areuta lagi gasien, keuhinaan bak syeedara

Adak istri teungoh baleh, maken leubeh hina keu gata

Bak tuan tha han peue peugah, breueh nyang mirah nyan di mita

Boh seulimeng  ngon eungkot brok, nyan keuh jijok po keu gata

 

Campli cina eumpeuen beurijuek, nyan dipuduek unab gata

Teuduek haba nyan ohnan dilee, jeunoe sampee laen calitra

 

 

Amabakdu dudoe nibak nyan, muwoe kurangan bak  ayah bunda

Masa jijak  roe sit kutham, jipateh han aneuk boh ate

Roe kupaban aneuk ku saboh, kuniet ka gadoh dalam luweuek  gle

Meunan di Poma keu geutanyoe, dawok neumoe meu eh tanle

 

Meung ka teui’ngat neuseubut Allah,ie mata limpah sajan ile

Ie mata srot seun-seun siploh, basah tuboh neusampohle

Beutaingat aduen adoe, bekkeu laloe dumteu sare

Aneuk cut raya nyan di Aceh, meung jipreh-preh tokteu hanle

 

Adak di Nang eumbah han peue peugah, sit lam gundah gata tanle

Nyampang-nyampang neupajoh mangat, yohnyan teuingat ie mata ile

Adak  na gaseh deungon sayang,  dumteu tuan bek laloele

Laen nibak nyan leungo lon peugah, leungo beusah dumteu sare

 

Nang eumbahteu syik po di nanggroe,  meung neupreh woe gata boh ate

Adak na aneuk hanpeue  peugah,  jiteuoh ayah peutang page

Wahe Mapo Ma mutuah , hoka ayah ku eu tanle

Ban po Ma  jileungo suara meunan, han muban-ban ie mata ile

 

Wah aneuk po aneuk mutuah,  hanale ayah ka leupah u gle

Treb ka leupah aneuk u barat,  hana geui’ngat keu gata boh ate

Rumoh tireh han soe peudab, ayah gata that buta ate

Aleue patah bubong teuhah, paleh ayah aneuk boh ate

 

Umong diblang hansoe meugoe, bahle deuek-troe gata boh ate

Geudong dinanggroe badan payah,meutamah sosah dalam ate

Ranub pineueng gapu bakong, seunawak pinggang breueh ngon pade

Peunajoh mangat aneuk di barat, geuduek teutap gata tanle

 

Meunankeu narit ureueng binoe, keu geutanyoe dumteu sare

Adak na jitakot keu Poteu Allah, hana ubah nibak ate

Tinggaikeu aneuk po di nanggroe, ruya-ruyoe han sapeuele

Nyampang-nyampang gob woe di peukan, ta eu teudong-dong weuehkeu ate

 

Teuma geubri eungkot saboh, puwoe po jroh tapajohle

Maji kalon eungkot bak jaroe, meutaloe-taloe ie mata ile

Jibeudoih duek jiseubut Allah, ie mata limpah bak dadale

Nyandum peulahra di ureueng binoe, di ureueng lakoe buta ate

 

Jan Uroe Raya ngon Makmeugang, teuduek-teudong nyan di pante

Duek reunyeun jeh duek reunyeun nyoe, Poma jimoe rusak ate

Teuma geubri sie na bacut, puwoe nyak cut parole

Poma ji eu sie bak jaroe, neu leumpaih droe tumbok ate

 

Bu oek di ulee meugeureubang, teuoh keu untong beureujang mate

Sabab ji ingat nyang ka leupaih, hana gundah tinggai boh ate

Bukon that som agam mutuah, aneuk jikeubah bahle beumate

Adak na Wali nyan di nanggroe, ‘asa uroe baro jiteuka

 

Jijak euntat sie sigupang , jiboh sajan U sitangke

Hana sapeue laen nibak nyan, ji tijik pisang saboh sisi

Bitpi dumnan bungong jaroe, seuluweuekeu adoe saboh jibri

Masa nyan Poma ate ji bicah, teuingat keu ayah aneuk boh ate

 

Na meubunyoe gob peuhaba, rab geubungka teungoh ili

Teutapi bungka kon geuriwang,mita glanggang pat na rame

Beurayek meu’ah Teungku Ampon, untong lon sibagoe lagi

Uroe Raya peukayan tan, keutiwasan aneuk boh ate

 

Di aneuk gob ija peudandang,kasab meujuhang seuluweue meucangge

Di aneuk kee bek ‘an  mirah, meung ija puteh han ek kubri

Sare beungoh lheueh jimanoe, teuma jiwoe bak bundale

‘Oh sajan troih nyan u rumoh, lakee meu’ah deesya page

 

Jicom di teuot seumah di gakI, teuma ie mata sajan ile

Allah Allah aneuk mutuah, kupaban bah jantong ate

Bukon paleh ureueng di barat,han ji ingat u nanggroele

Baranggasoe mei geuteuoh, isib gadoh beuhanyot bangke

 

Aneuk prumoh han ji ingat, meu’adoe angkat meuse kaphe

Nyankeu ureueng paleh sabe, seurapa Nabi dudoe page

Meunan teelan bandum nanggroe, di lon adoe sibagoele

Habeh haba di ureueng lakoe, ureueng binoe jinoe takira

 

 

Sabab leupah lakoe u barat, ureueng binoe that jithok ate

Paleng mukaji keu lakoe, nyang jeuet jiboih droe peuturot ate

AMABAKDU dudoe nibak nyan, taleungo teelan tuha muda

Peuebu sabab leupaih lakoe, wahe teungku droe peudeh pinta

 

Haba pansie geunab uroe, ureueng lakoe tan beulanja

Ija mirah gleueng di gaki, meung han tabri hina gata

Euncien peurmata po bak jaroe, laen adoe ulee ceumara

Bahle meunan keu jih tapuwoe, di geutanyoe bahle ta bungka

 

Tinggaikeu jih po di nanggroe, geunap uroe peuseutot hawa

Adak na eumbah han ji larang, han ek jitham aneuk dara

Ureueng binoe malee hanle, keureuna akhe umu donya

Nyankeu sabab han that jiwoe, keureuna bunyoe keuji nama

 

Jitem gaseh keu ureueng laen, hana disyen keu judonya

Ureueng binoe la’eh iman, keu lakoe han cintaguna

Meung that lut’ok jeuheuet peukayan, jayeh teelan ji eu rupa

Keureuna sabab lurong bak Nang, keu lakoe han jitem kira

 

Adak gasien hanpeue peugah, maken leubeh lom meuganda

Na taleungo po nyak sambinoe, taleungokeu nyoe po jroh rupa

Hana paidah rupa sambinoe, meung tan lakoe keupeue guna

Tamse ija plang tatroih lam peutoe, meung tan tangui keupeue guna

 

Ijapi tuha gatapi  syik, puteh ngon  oek di keupala

Teulhoh ngon gigoe keundo ngon kulet, gata raleb peuseutet hawa

Meung that tasyhen keu ureueng lakoe,  han diboih droe dalam rimba

Uroe malam hana teungeut, lam ji ingat po keu gata

 

Adak kon seubab teugrak ate, nyeum-nyeum bekcre po ngon gata

Keureuna haba pansie dilee, bahle sampoe u lam rimba

Peue jeuet kudong nyan di gampong, ate ku tutong keureuna gata

Meung tan tapuwoe gleueng u rumoh, reuyoh po jroh sajan po da

 

Neupura dhot neugeurantang, aneuk jalang kuteumeung tampa

Ngon haba neutulak ngon jaroe neutarek, bahle bek ka ek bak agam celaka

Gleueng han jibri euncien han jibloe, bah ji eh sidroe po buya seuba

Tinggai linto dalam juree, panyot reudee minyeuk hana

 

Han ek  jiduek teuma di eh, oh ka mureh woe gampong Ma

Meunan-meunan geunap uroe, hana padoe ate luka

Umu sithon han peue daleh, hingga jadeh po tabungka

Hana sapeue po tateuoh, guna nyang jroh tan nibak tha

 

Maken leubeh bak isteri, that  ji banci nyan keu gata

Nyang na gaseh nibak Nang eumbah, cit ta peugah dum peukara

Na tadeungo Ma meutuah, jinoe lon peugah ubak gata

Tabri judo han meusampe, that jibanci nibak nyang ka

 

Ureueng binoe nyang that banci, damikian lagi bak tuantha

Peue bu sabab Ma Teungku droe, kureueng lon puwoe mit beulanja

Talakee do’a Poma meutuwah, jeunoe leupaih ulon bungka

Ban neu leungo haba meunan, han muban-ban tro ie mata

 

Keureuna sabab tan peue neubri, adak han bekcre bijeh mata

Jinoe lon boeh saboh ca-e, beutapike adoe raja

 

Siwaih  halang teureubang keu Daya

Teureubang di awan mirahpati

Jakalu alang pada beulanja

Beutapa hamba diam di nanggri

 

Kuceng utan teulari-lari

Kuceng nanggri diam teumpatnya

Jakalu tidak amaih di jari

Diam di nanggri apa gunanya

 

Ulon boeh nyoe kon beurakah, adoe meutuwah nyo sibeuna

Meung tan areuta dalam jaroe, tadong di nanggroe that sangsara

Habeh haba peuingatan, bungka yohnyan bijeh mata

Masa tatron Poma neumoe,meuteutaloe tro ie mata

 

Teuduek di reunyeuen neu ek u rumoh, akai gadoh pungo gila

Neujak lam jurong neungieng u blang, neujak pandang aneuk bungka

Hingga jeuoh ka meusilee, moe meuree-ree woe u tangga

Yohnyan neumoe bukon bubarang, Poma sayang keu aneuknda

 

Tinggai Poma nyan di nanggroe, dawok neumoe tro ie mata

Neu eh han teungeut badan kuroih, bu neu pajoh na ban suda

Nyang dum di Nang eumbah keu geutanyoe, ingat adoe jeueb kutika

Adak na tapeugah bak isteuri, galak that jibri po tabungka

 

Han jipura meung theun langkah, bahle leupaih si geukoh pha

Pura-pura moe dara beudeubah, jicok ie babah boeh bak mata

Bak tuwan tha han cit jisyen, adak ureueng laen maken meuganda

Bahle jijak bek that gundah, bah kupasah bijeh mata

 

Ku peukawen laen aneuk dikah, bahle leupaih po buya seuba

Nyandum jigaseh keu geutanyoe, ureueng binoe muda-muda

Teuma dijih hana gundah, jimumukah dara cilaka

Keu lakoe droe hana disyen, keu ureueng laen that jihawa

 

Sabab kaya get peukayan, ngon sabab nyan le binasa

Dum-dum gampong barangri nanggroe, ureueng binoe muda-muda

Taleungokeu nyoe he ureueng binoe, meuse bunoe cit digata

Keu ureueng lakoe beuthat tamalee, bek soh juree wahe ureueng muda

 

Adak rupa jrohpi that rugoe, leupaih lakoe Da ’an tuha

Puteh ngon oek nyan di ulee, hantom meung bee na tarasa

Na taleungo po sambinoe jroh, hankeu gadoh judo gata

Bek that galak keu ija mirah, lakoe leupaih tinggai gata

 

Bek that galak keu gleueng gaki,  lakoe mate dalam rimba

Bek that galak keu gleueng jaroe, leupaih lakoe adoe raja

Meung that galak tasok euncien, taeh meukuwien sidroe lam tika

Bek that galak keu mangat bee, sohkeu juree judo hana

 

Tangui bee mangat dilikot lakoe, nyanpi adoe  peunyaket raya

Than neu balaihteuma page, meuse bee bangke tuboeh gata

Na taleungo po Da sambinoe, kupeurunoe  nyan di gata

Bek tapateh pansie Nang eumbah,lakoe leupaih meureuraba

 

Meung ka mate lakoe di ranto, balee he po tinggai gata

Kutika nyan tamoe sangat, troih alamat u rumoh tangga

Teuka wareh asoe gampong, geujak kunjong rumoh gata

Ureueng jamei peunoh rumoh, sit geuteuoh budhoe gata

 

Get peurangui ngon mubudhoe, ditulak lakoe dalam rimba

Sabab jibeungeh uleh  isteri, meunan lagi bak tuan tha

Laen nibak nyan asoe nanggroe, teuoh budhoe cintaguna

Bahkeu lon boh bangon ba- e, taleungo sye suara Madja

 

Narit timplak keu dara baro, sabab mate judo dalam rimba

Wahe putroe cut bukOn sayang, tamse pisang mate pucok

Keubeue lam weue  mate di blang, bukan sajang teuhah neurok

Sayangku  han ban putroe bangsawan, tamse kayee jisom tarok

 

Ku eu diluwa  ban boh peudeundang, sayang di dalam asoe jibrok                                                                         Sayang mate teungku diranto, han soe hiro di dalam rimba

Kupaban bah he teungku linto, banci darabaro nyan keu gata

Kukira mate dalam juree, na soe mueng ulee judoteu na

 

Bahkeu dumnan haba ba- e, laen pi le han ek kira

Dudoe nibak nyan geukhannuri, peujamee pakhi lakee du’a

Laen nibak nyan geubi seudeukah, peue nyang mudah ban nyang kada

Geunabkeu umu peuet ploh uroe, han le teugoe-goe dum syeedara

 

Nyang na ingat po nibak Nang, pijuet badan rok-rok masa

Kadang-kadang troh bak meuthon, han tom neutron di rumoh tangga

Nyampang mate asoe gampong, han tom neutron seb dum nyang ka

Badan pijuet asoe rigeh, lam tika eh beudoh hana

 

Nyandum di Nangmbah keu geutanyoe, ingat adoe cut ngon raya

Di isteuri dijih tan meusyen,  jipreh troh laen seulangke teuka

Dilakee du ‘a malam uroe, tabri lakoeku nyang kaya

Yoh nyan dingui ngon peukayan,  si uroe saban jingui ija

 

Mangat ate dara cangklak, ta eu jijak ban keudidi paya

Di unun na incien gilek, digitek incien peumata

Taeukeu oek teusiruek lalat, ija jisawak meukab bak dada

Taeu jilanggang ngon jialeh, geutiek  ji meungkleh sapai ji dua

 

Taeu baja  itam di bibi, na beureuhi agam nyang na

Taeu keu gaca itam di jaroe, na teuka lakoe guda lawa

Ta eu oek jom nyan di ulee, meunan lagee tuha muda

Pat na agam duek  meutamon,  jikeureuleng ngon iku mata

 

Sara jijak jiboeh beurakah, that bedeu’ah dara jroh rupa

Wahe Ma e wahe kumuen, ban nyang lon kheun sabet beuna

Ta eu jingui ija haloih, bit that utoih aneuk dara

Taeu keu andam nyan dibak dhoe, meuse na lakoe dara jroh rupa

 

Hana jiingat lakoe tanle, cit ban mate nyan baroesa

Bahkeu dumnan dihaba nyan,jeunoe laen bacut haba

Bak taingat po keu Nangmbah, sabab payah neu peulahra

Uroe malam hana neu eh, mataneu peudeh neumeujaga

 

Ni phon cut kon po lam  Ma syhen, neu peukawen ’oh jan raya

Na nyum bek cre meung sitapak, nyum bek jarak sit di mata

Peuet blet keureujaan po bak Nangmbah, leungo lon peugah teungku raja

Peutama phon-phon yohteu budak,  yohnyan galak ayah ngon bunda

 

Keudua keureujaan geupeusunat, nyanpi sahbat ban nyang kada

Keulhee keureujaan geupeukawen, geubri salen bak ayahnda

Masa nyan meusapat wali ngon karong, yoh masa nyan keureuja raya

Bladeh-blanoe geumeugrum-grak, sabe galak meuseusuka

 

Peuet blet keureujaan tok hat mate, hanlon boehle seb dum nyangka

Bahkeu dumnan jeunoe lon seubut, laen bacut lon calitra

Kata nyakni ureueng keumarang, leungo teelan lon kheun jeunoe

Kata dalang empunya rawi, taleungo kri lon calitra

 

AMABAKDU bacut lon seubut, bak awai surat ulon peuwoe

Hana ajayeb diphon surat, jeunoe sahbat ulon gantoe

Di awai phon lheueh Bismillah, subhanallah lafai ngon pujoe

Meudehpi sah meunoepi mei, nyang teur-afdlai dilee pujoe

 

Keureuna khoteubah bak hikayat ban nyang mangat di ate droe

Dilee ajayeb dudoe subeuhan ,  nyoe kurangan ka sublease

Ladom geukarang deungon awe, nyang le geurante deungon taloe

Di lon lon karang dalam ate, kusawe-sawe bak akai droe

 

Bahkeu lon boeh saboh ca-e, beutapike wahe adoe :

 

Pisang talon masak di teupin

Pisang abin di bineh sungoe

Jakalee geupeh deungon santan

Na nyum na nyum ek tamakeun troe

 

Adak na lom ngon meulisan

Han tatujan pruetteu seungkoe

Mameh meulisan leumak santan

Tapeulawan baranggapeue

 

Meuseuki tapeh taboeh keunan

Jan tamakeuen mangat han soe

 

Meunankeu tamse ureueng keumarang, meung han reumbang mit soe pakoe

Reumbang lagee keunong sanjak, jeuetkeu galak ureueng meurunoe

Lon boeh tamse saboh ca-e, brutalize wahe adoe :

 

Meung na di ate pade tatob

Tasiwa meuh gob bahle rugoe

Bak burunyong timoh di gunong

Hanyot bungong dalam sungoe

 

Akai paneuk bicara bingong

Pat han keunong peugetle adoe

 

Keureuna ulon bicara lipeh, bek takheun ceh keu lon sidroe

Buet mupeu’at tamesare, dudoe page pahla keudroe

Sipeureuti ban ban Hadih Nabi, wahe akhi leungokeu nyoe :

Atdalu ‘alan khairi kafa’ileh, makna silapeh lon kheun jeunoe

 

Tayue ureueng buet keubajikan, sirasa teelan tapubuet keudroe

Nyoe wasiet lon wahe sahbat, beutaingat bek that laloe

Kalimah nyang puntong haraih nyang singkat, beutapeuget wahe adoe

Beutagaseh ngon tasayang, bek jeuet malang akhe dudoe

 

Keureuna sangat that lon hajat, wahe sahbat bek tabri rugoe

Harab teewakai lon keu Tuhan, di likot nyan keu Nabi  geutanyoe

Di likot nyan ka gata teelan,meuseuki aduen meuseuki adoe

Bek binasa harap lon nyoe, page jameun tamumat jaroe

 

Talake du ‘a keu lon beuthat, bakTuhan  Hadlarat Po geutanyoe

Talakee keu lon du’ a belkhoeri, dudoe page keu lon sidroe

Samporna amat seulamat iman, keu lon tameuhon geunap uroe

Bahkeu ohnan di haba nyan,jeunoe laen lon peugah proe

 

Ureueng seumurat hana malem, bek takhem-khem gata barangsoe

Ampon meu ‘ah teungku pangulee, ateueh ulee lon beuot jaroe

Lon peugah pat ureung seumurat, na meung tatupat  gampong nanggroe

Nanggroe Pidie Uleebalang Nam, dalam  Mukim Panglima  Sagoe

 

Nama gampong Bambi Mon Tujoh, sinan teumpat malam uroe

Teuntang rumoh di bineh blang, rab he teelan Meunasah Sagoe

Dudoe nibak nyan teukeudi Tuhan, seutet peuteumuen laen nanggroe

Roh lam Mukim Uleebalang Dua Blaih, Raja Pakeh nyang po nanggroe

 

Nama gampong gaukheun Keulibeuet,  bak tanoh  Ceuet Kapaimeroe(?)

Teuntang rumoh di bineh krueng, Deyah Tutong   Meunasah Sagoe

Ureueng Aceh mubajee jubah,  jingui kupiah meuseunujoe

Nyang han leumah lon peuleumah, jeunoe lon peugah nan beumeusoe

 

Leube Isa nan untong cut, meunan geuseubut le ureueng nanggroe

Dudoe nibak nyan nama  teumpat, geubalek adat nama  nanggroe

Teuma geuhoi Leube Bambi, nan geurasi akhe dudoe

Nyoe wasiet lon wahe teelan, dum sikeulian aduen adoe

 

Proe hai teupangge keu rahmatolah, nyoe lon keubah keu geunantoe

Assalamu’alaikom wahe teelan, jamak tuwan dum disinoe :

Geunantoe lon mat jaroe sahbat, lon icarat bak surat nyoe

Geunantoe tabri ranub sigapu, du’a he po keu lon sidroe

 

Keureuna tan ileumee ngon amai, saleh pakri hai akhe dudoe

Hina lon that wahe sahbat, di akhirat ngon donya nyoe

Hina bak donya wahe teelan, meueh pirak tan bak lon sidroe

Meueh pirak tan breueh pade han, meunan untong di lon sidroe

 

Wali ngon karong di ulon tan, adoe aduen jarak dumsoe

Nang eumbah teutab nibak teumpat, di lon teugeutit jeueb-jeueb nanggroe

Meunan untong neubrile Allah, kupaban bah di lon sidroe

Di gob untonggeu ban tiyong, lam keunurong geunab uroe

 

Di lon untongku ban payong, lam gob tudong padok uroe

Di gob untong ban timon bruek, keunan bak geuduek reuyeue peutoe

Di lon untong ban timong phan, bak jeueb-jeueb blang sinan sinoe

Lon jak keunoe lon jak keudeh, maken peudeh nibak bunoe

 

Allah Allah Ya Tuhanku, kulakee bantu bak gata sidroe

Tagaseh sayang bek alang-alang, wahe Tuhan keu lon sidroe

Di donya kon troih jan page, beumeusampe hambateu nyoe

Di Padang Masya bek tabri lambat, beureujang tahisab ulonteu nyoe

 

Tabri pantaih lon jak bak Titi, bak Hudh Nabi tabri lon peutoe

Tabri teumpat di lon Curuga, karonya gata Poku sidroe

Tabri kupandangteu Ya Rabbi, Dat nyang suci han sibagoe

Suci Dat suci Sifat, Pi-e meuhat meunan cit roe

 

Tabri meuteumeung ngon Nabi Muhammad, pangulee umat lam donya nyoe

Tabri meuteumeung deungon guree, nyang bri eleumei nyankeu kamoe

Tabri meuteumeung ngon Nang eumbah, ureueng peuleumah langet ngon bumoe

Tabri meuteumeung ngon iseutiri, aneuk lagi nyang di kamoe

 

Tabri meuteumeung deungon wareh,dum beuhabeh dum sinaroe

Tapeuampon deesya di lon, nibak meukhuluk dum barangsoe

Deesya di lon sikeulian, nyawong badan gaki jaroe

Tamat

 

 

 

Catatan  : Tamat saya salin dari huruf Latin ejaan Snouck Hurgronye/Belanda ke Ejaan Yang Disempurnakan ; pada malam Selasa, 25 Ramadhan 1430 H bersamaan  tanggal 14 September 2009 pukul 19.39 WIB beberapa saat setelah buka puasa.  Alhamdulillahi Rabbil ‘Alaminnn…!!!.

      Dalam kegiatan transliterasi Hikayat Ranto ini,  saya banyak dibantu ketiga putri-putra saya, yakni Cut Naila Hafni. T. Idham Khalid dan T.Amalul Arifin. Karena naskah yang disalin dari ejaan Belanda ke EYD, maka saya perlu membimbing mereka. 

Salinan/transliterasi ini bersumber buku  “TWO ACHEHNESE POEMS“ ,yang merupakan  kajian dan terjemahan G.W.J. DREWES, terbitan THE HAGUE – MARTINUS NIJHOFF – 1980. Pada kesempatan ini saya mohon izin  kepada penulis dan penerbit atas upaya transliterasi dan posting ke blog saya ini, semata-mata bagi pelestarian hikayat Aceh.

 Dapat saya tambahkan, bahwa dewasa ini tradisi “berhikayat“ di Aceh  dalam keadaan nyaris punah dalam kehidupan masyarakat Aceh sehari-hari!!!. Usaha alih aksara/ejaan Hikayat Ranto ini merupakan naskah ke 31 dari kegiatan transliterasi naskah-naskah sastra Aceh lama yang saya geluti sejak tahun 1992, yang menghasilkan hampir 7000 halaman ( hikayat, nadham dan tambeh) yang sudah berhuruf Latin, namun hanya secuil saja yang telah dapat diterbitkan.

 Semua itu saya lakukan dalam rangka  : cari-cari kegiatan atau hana buet mita buet/”upaya pelarian”  dari keadaan diri saya yang cedera akibat tabrakan mobil/colt barang tivi di Yogyakarta , yang ( hari ini) tepat  25 tahun lalu. ( T.A. Sakti ).

*Tambeh: Pekan Kebudayaan Aceh (PKA – 8)  berlangsung di Banda Aceh  mulai:  4 November s/d 12 November 2023 dengan semboyan “Rempahkan Bumi, Pulihkan Dunia”.

Bale Tambeh: Jeumeu’at, 26 Adoe Molod  1445 TH atawa  26 Rabiul Akhir  1445 H bersandingan  10 November 2023 M, jam 06.47 wib.

(T.A. Sakti)

NYANYIAN JEMAN ANAK TAMIANG

 

Ujan lebek lebek

Atok nahan tuwokh

Dapek ikan besokh

Di gule andong ambokh

Yah…… tumpah ayokh ku te

Mae te tumpah baju andong te gebokh gebokh

Lagu Anak Anak Temiang Jeman

 

UJAN LEBEK LEBEK

Ujan lebek lebek

Atok nahan tuwokh

Dapek ikan besokh

Di gule andong ambokh

Yah…… tumpah ayokh ku te

Mae te tumpah baju andong te gebokh gebokh

Permainan jeman yang ada di Tamiang

permainan Kodok

Tri ala gotri naga sari

Tiwol awol awol tanjung katung

Tanjong katong

Nekgotri jadi opo

Nekgotri jadi opo

Sedandang elok elok jadi kodok

    permainan ini biasa dilakukan di halaman rumah pada siang menjelang sore hari, permainan ini di mainkan beramai ramai di mulai dengan menetukan siapa yang menjadi penjaga batu kodok dengancara di undi, cara nya membuat sebuah lingkaran kemudian lingkasran itu di bagi sesuai dengan jumlah pemain, kemudian tentukan siapa yang memegang batu kodok pertama, pengundian ini di lakukan dengan memutarkan batu kodok ke seluruh pemain yang sudah di bagikan kedalam bentuk lingkaran yang tadi. uyang mendapatkan batu kodok tersebut maka dia lah penjaga yang pertama.

    permainan ini di mulai dengan pelemparan batu kodok se jauh2 nya. dan si penjaga berlari mengambil sementara yang lain bersembunyi, siapa yang sudah kedaptan maka nama nya akan di sebutkan dan batu kodok itu harus di injak oleh si penjaga.

Tunda-tunda bamban

 

Tunda-tunda bamban 

Si Tokok minjam piso 

Mae guno piso

Nak nebang-nebang bamban

 

Mae guno bamban

Nak nyolok-nyolok bulan

Mae guno bulan

Ntok gukho adi ku

 

Mae namo adi mu

Si Cermin Mato Pune

Timun bungkok balik batang, 

Ayam bekukok, 

hari nak siang 

Pak-pak-pak, kuk-kuk-ruyuk 

Pak-pak-pak, kuk-kuk-ruyuk

TARIAN_ TITI BATANG

 

Tarian ini merupakan tarian yang berasal dari kabupaten aceh tamiang, dahulu tarian ini sering dilakukan oleh suku tamiang. Tarian yang syarat dengan gerakan ketangguhan dan ketangkasan karena tarian ini sering dilakukan oleh pengawal pengawal  dari kerajaan untuk dipertunjukan kapada sang raja dan para tamu mulia raja.

 

Dalam suatu negeri kerjaan jika suatau kerajaan yang dinyatakan negerinya hebat, ciri salah satunya adalah memiliki pasukan tangguh, dikarena itu hal yang sering ditampilkan  untuk memuliakan tamu raja sering disuguhkan tarian TITI BATANG, dengan demikian tamu pun segan dan hormat kepada sang tuan rumah (si Raja) tersebut...

 

Tarian ini mencerminkan kuatnya kekuatan budaya tamiang yang dari dahulu tak lekang oleh waktu,,, dan kemegahan kerajaan melayu tamiang..... “ Diguyang buoleh, Dicabut te’ek ” inilah tamiang.

 

Tarian Titi Batang mempunyai tahapan

1.      Salam pembuka tiga sudut

2.      Langkah Mancang

3.      Bulat titi batang

4.      Buka pencak

5.      Salam pentup

TARIAN SONG SONG

Dimasyarakat Tamiang tarian ini sering digunakan disaat penyambutan tamu - tamu penting aatau pun penyambutan pengantin pada upacara pernikahan. Biasanya tarian ini dimainkan oleh para pendekar dengan bentuk gerak Mencak ( PELINTAU )

Pelintau sendiri adalah salah satu budaya turun temurun yang terdahulu dan sering di gunakan dalam kehidupan sehari hari, seperti acara sambutan, seni tari dan untuk pertahanan diri dari kejahatan yaitu bela diri karena itu disebut PELINTAU yang arti nya Semua Tahu_ semua bisa

Tradisi penyambutan dengan gerak SONG – SONG ini merupakan salah satu tahapan acara adat tari pembuka pada penyambutan tamu, 

Tahapan :

1.      1. Salam pembuka

2.      2. Langkah berikut

3.      3. Buka Pencak

4. Salam penutup

TARI AER ULAK

                Tarian ini berasal dari suku Tamiang Yang berada di kuala simpang Aceh Tamiang Provinsi Aceh Indonesia, Latar belakang tarian ini adalah kehidupan atau kepercayaan dengn adanya kehidupan selain manusia, makluk tak kasat mata atau kekuatan gaib, untuk memberi suatu petunjuk yang memberi petunjuk kadar baik atau buruk, 

“Di guyang Boleh, Dicabut Te’ek”

 

MELESTARIKAN ADAT DAN MENJAGA BUDAYA PENCAK SILAT PELINTAU TAMIANG

Nama PELINTAU di ambil dari bahasa Tamiang asli yaitu : “Pelin” dan “Tau”. “Pelin” memiliki arti “Semua” sedangkan Tau memiliki arti “Tahu”, sehingga “PELINTAU” memilki arti “SEMUA TAHU”. Tujuan di bentuknya Silat pelintau Tamiang ini adalah untuk mengusir para penjajah Belanda dari tanah Tamiang serta sebagai pertahanan dari kerajaan Tamiang untuk menahan serangan dari musuh baik dari dalam maupun dari luar daerah.  

Seni bela diri pencak silat pelintau Tamiang adalah seni pencak silat yang lebih menonjolkan keindahaan seni bela dirinya. Bagi orang Tamiang tempo dulu Filosofinya Pelintau lahir dari kearifan Alam Tamiang. Para pendahulu belajar dari alam dan lingkungan sekitar. Silat pelintau adalah Pencak Silat Khas Suku Tamiang yang dimainkan secara berpasangan oleh pesilat laki-laki maupun pesilat wanita.

 

 Dulu silat pelintau di ajarkan secara sembunyi-sembunyi kepada para pemuda-pemuda Tamiang, dengan tujuan agar dapat mempertahankan diri dari serangan musuh serta membawa usaha-usaha untuk mengusir para penjajah dari Tamiang. Setelah masa kemerdekaan tepatnya di tahun 1953 Seni Pencak Silat Pelintau Tamiang di kukuhkan. Sejak saat itulah silat pelintau ini mulai di ajarkan secara terang-terangan dan mulai di pertunjukan kepada masyarakat umum.  Seiring perkembangan zaman silat Pelintau tidak hanya digunakan sebagai perlindungan diri, tetapi seni bela diri ini juga di pertunjukan dalam berbagai upacara adat, seperti Pernikahan, Turuntanah, Khitanan dan menyambut tamu-tamu kehormatan seperti Menteri, Bupati dan Penjabat-penjabat tinggi lainnya.

 

 

 Dalam berbagai upacara adat tersebut silat pelitau memilki makna yang berbeda-beda di setiap adatnya. Pelintau dalam upacara pernikahahn di tujukan untuk mendidik dan menanamkan bahwa suami adalah pelindung keluarga, Pelintau dalam upacara turun tanah di tujukan bahwa telah lahir atau hadir seorang calon pemimpim dalam keluarga tersebut, sedangkan pelintau dalam acara khitan bermakna bahwa anak laki-laki tersebut telah baligh sehingga harus memiliki sifat keberanian karena kelak akan menjadi pelindung keluarga.

Dalam masyarakat Tamiang Silat Pelintau terdiri dari dua jenis yakni silat Songsong dan silat Rebas Tebang. Silat Songsong digunakan untuk menyambut tamu kehormatan dan menyambut besan dalam upcara pernikahan. Sedangkan silat Rebas Tebang untuk menyambut mempelai laki-laki di dalam upacara pernikahan, upacara turun tanah dan upacara khitanan. Silat pelintau sendiri memilki empat pola dasar gerakan. Pertama gerakan salam sembah, yaitu untuk memberikan penghormatan kepada guru dan hadirin sebagai symbol keharmonisan dan kesadaran sebagai makhluk biasa. Kedua gerak titi batang, yaitu gerakan pembuka untuk mendapat keseimbangan dan konsentrasi sebelum memulai langkah selanjutnya. Ketiga, yaitu gerak langkah tiga atau langkah empat untuk memecah gerak-gerak selanjutnya yang berupa jurus atau langkah yang bervariasi. Keempat yakni gerak salam terakhir yang merupakan symbol permohonan maaf kepada guru, hadirin dan lawan main.

Pertunjukan silat pelintau  Tamiang ini diiringi oleh alat-alat music tradisional, seperti Gendang, Biola, Akordion. Iringan alat music ini bertempo sedang hingga cepat, menghadirkan suasana penuh semangat dan enerjik. Para pemain silat pelintau terdiri dari pesilat laki-laki maupun pesilat perempuan. Para pesilat ini menggunakan pakaian berupa baju lengan panjang dan celana panjang yang berwarna hitam. Selain itu pesilat laki-laki juga mengunakan Tenguluk yakni sebuah ikat kepala, sedangkan pesilat perempuan menggunakan jilbab berwarna hitam. Tak hanya itu penampilan para pesilat juga dilengkapi dengan selempang dan kain songket yang di ikat di pinggang.

Silat pelintau tidak hanya di pertunjukan di Aceh saja, tetapi seni bela diri ini juga kerap dipertunjukan dalam helatan budaya di berbagai provinsi. Silat Pelintau juga sudah menjadi silat internasional dan bahkan Silat Pelintau telah di tetapkan sebagai Warisan Budaya Tak Benda (WBTB) yang di tetapkan pada tanggal 16-18 agustus 2019 dan di sahkan pada tanggal 8 Oktober 2019 oleh Menteri Pendidikan dan Kebudayaan oleh Prof. Dr. Muhatjir Efendi.

 Silat pelintau sudah mengikuti berbagai fesitival dari tahun 1976-hingga sekarang beberapa festival di antaranya:

1        1. Festival Pencak Silat di Malaysia pada tahun 1976   

2        2. Festival Pencak Silat di Danau Singkarak (sumatera Barat) pada tahun 1998

3        3. Festival Pencak Silat di Masjid Istiqlaldi Jakarta pada tahun 1991

4        4. Festival ITTF di Lhokseumawe pada tahun  1997

5.     5. Festival Pencak silat dalam rangka ulang tahun ke-60 IPSI di Pedepokan Silat Jakarta pada tahun 2008

6        6. Pernah mengikuti pekan Kebudayaan Nasional (PKN) pada tahun  2019 di Jakarta.

7        7. Festival Serumpun Melayu Raya di Aceh Tamiang pada tahun 2022

8        8. Festival kemilau seni di aceh Tamiang pada tahun 2022.

9       9.  Festival gerakan 1000 pemdekar

  Silat pelintau juga baru-baru ini menggelar aksi gerakan 1000 pendekar yang di adakan di Tribun Kantor Bupati Aceh Tamiang dalam rangka Melestarikan adat dan Mejaga Budaya. Pencak silat adalah bagian dari Budaya seni bela diri yang telah menjadi warisan dari para leluhur. Sehingga perlu adanya upaya untuk terus melestrikan adat dan Menjaga budaya kita ini. Apa lagi pencak silat adalah seni beladiri asli Indonesia. Artinya ketika kita merawat, Menjaga, dan melestarikan serta memajukan pencak silat, itu sama hal nya dengan kita melestarikan dan menjaga budaya bangsa kita ini. Apalagi Tradisi pencak silat telah ditetapkan oleh UNESCO sebagai warisan Budaya Tak Benda. Pencak silat telah menjadi identitas dan pemersatu bangsa Indonesia. Dimana tradisi budaya Pencak silat ini mengandung nilai-nilai persahabatan dan sikap saling menghormati.

PELINTAU 

Pelintau merupakan seni beladiri pencak silat tradisional yang berasal dari tanah bumi muda sedia, Aceh Tamiang.

 yang pertama kali diajarkan oleh Maha Guru OK Said bin Unus. Pada masa itu, pelintau diajarkan secara sembunyi-sembunyi, Setelah masa kemerdekaan, tepatnya pada tahun 1953, Pelintau pun mulai dikukuhkan. Sejak saat itu, pelintau mulai diajarkan secara terang-terangan dan mulai dipertunjukkan pada masyarakat umum hingga pada saat sekarang ini.

Pencak bagian hulu

Pelintau berasal dari kata pelin yang berarti semua dan kata tau yang berarti tahu atau mengetahui. Secara harfiah, Pelintau berarti semua tahu. Hal ini dikarenakan, pelintau memiliki urutan dan tahapan di mana setiap pemain harus melewati tahapan tahapan tersebut.

Gerakan dalam pelintau lahir dari pengamatan terhadap alam dan lingkungan sekitar. Pelintau tidak hanya berfokus pada gerakan tangan kosong. Beberapa senjata seperti pedang, pisau, dan toya juga kerap digunakan oleh para pesilat.

Pencak Silat pelintau disampaikan ditampilkan pada acara pesta-pesta perkawinan sebagai acara penyambutan tamu-tamu pada acara formal pemerintahan. Silat pelintau ini terdapat gerakan-gerakan dalam tari-tarian bela diri. Pencak silat pelintau bukan olah raga pencak silat yang dipertandingkan tapi lebih merupakan kesenian tradisional yang di pegelarkan  dalam suatu acara khusus dalam masyarakat Tamiang.

pencak bagian hilir

Pelintau tidak hanya dipertunjukkan di Aceh. Seni bela diri ini juga kerap dipertunjukkan dalam helatan budaya di berbagai provinsi. Pada tahun 2019, Pelintau Tamiang ditetapkan sebagai Warisan Budaya Tak Benda Indonesia yang berasal dari Provinsi Aceh.